Bu gün (18 oktyabr) Reportyorların Azadlıq və Təhlükəsizlik İnsitutunun (RATİ) mətbuat mərkəzində 2010-cu il 7 noyabr parlament seçkiləri dövründə ümumrespublika telekanallarının və radioların monitorinqi üzrə ilkin nəticələr açıqlanıb.
Telekanalların monitorinqini aparan təşkilat – RATİ- nin sədri Emin Hüseynov layihə barədə ümumi məlumat verərək bildirib ki, ilkin hesabat 28 sentyabrdan 7 oktyabr dövrünü əhatə edir. Onun sözlərinə görə bu hesabat ilkin təəssüratın yaradılmasına köməklik göstərəcək. Hüseynov Azərbaycanda ilk dəfə olaraq seçki dövründə radioların monitorinqinin aparıldığını və bu monitorinqin Media Monitorinqi İnstitutu tərəfindən həyata keçirildiyini də vurğulayıb. 2009-cu ilin yanvarında Azərbaycanda xarici radiostansiyaların bağlandığını xatırladan Hüseynov bu mənada radio monitorinqinin əhəmiyyətini diqqətə çatdırıb.
RATİ-nin əməkdaşı Rəsul Cəfərov telekanalların monitorinqi üzrə nəticələrini vurğuluyaraq bildirib ki, telekanalların əksəriyyəti seçkilərə biganə münasibət göstəriblər, seçkilərlə bağlı məlumatlar bir qayda olaraq Mərkəzi Seçki Komissiyasının iclasları və müxtəlif müşahidə missiyalarının tədbirləri ilə bağlı verilib.
Heç bir telekanalda seçkilər mövzusunda müzakirə və debat xarakterli verilişlər nümayiş edilməyib.
Bir neçə telekanal (ANS, ATV) MSK tərəfindən hazırlanan seçkilərlə bağlı sosial reklamlar göstərməyib.
Hakim YAP partiyasının sədri, eyni zamanda prezident olan İlham Əliyev geniş və əsasən pozitiv şəkildə işıqlandırılıb.
Yaradılan seçki bloklarının, bu bloklara daxil olan siyasi partiyaların, habelə müstəqil partiyaların fəaliyyətlərinin işıqlandırılması yox dərəcəsində olub.
ATV, “Lider”, “Xəzər” telekanalları Əli Kərimliyə qarşı qara piardan istifadə edib.
Radioların monitorinqinin nəticələri barədə məlumat verən baş monitor Rəşad Əliyev bildirib ki, monitorinqi aparılan radioların göstərdiyi nəticələr telekanalların göstərdiyi nəticələrdən heç də yaxşı deyil, bəzi məqamlarda isə daha pisdir. Onun sözlərinə görə , radioların efirində seçkilərlə bağlı mövzuya az vaxt ayrılıb. Monitorinqi aparılan bütün radio kanallar Yap sədri İ. Əliyevə daha geniş efir vaxtı ayırıblar. ANS istisna olmaqla, digər radiolarda parlament seçkiləri ilə bağlı tok-şou və digər verilişlərə rast gəlinməyib. Heç bir radioda seçkilərlə bağlı sosial reklam efirə yayımlanmayıb.
Media Hüququ İnstitutunun proqram Xalid Ağaliyev monitorinqin nəticələrini şərh edərkən qeyd edib ki, nə radiolar, istər TV, istərsə də radiolar ədalətlilik, qərəzsizlik obyektivlik prinsiplərinə əməl etməyiblər. Ödənişli efir vaxtlarının qiyməti isə olduqca bahadır. Ümumi vəziyyəti qiymətləndirən Xalid Ağaliyev yayım mediasının hakimiyyətin inhisarında olduğunu bildirib.
Parlament seçkisi zamanı mediada monitorinq layihəsi ATƏT – in Bakı Ofisi tərəfindən dəstəklənir. Layihəyə texniki dəstək Avropa Komissiyasının maliyyələşdirdiyi “Azad Dalğalar ” layihəsi çərçivəsində təmin edilir.
RATİ-nin əməkdaşı Rəsul Cəfərov telekanalların monitorinqi üzrə nəticələrini vurğuluyaraq bildirib ki, telekanalların əksəriyyəti seçkilərə biganə münasibət göstəriblər, seçkilərlə bağlı məlumatlar bir qayda olaraq Mərkəzi Seçki Komissiyasının iclasları və müxtəlif müşahidə missiyalarının tədbirləri ilə bağlı verilib.
Heç bir telekanalda seçkilər mövzusunda müzakirə və debat xarakterli verilişlər nümayiş edilməyib.
Bir neçə telekanal (ANS, ATV) MSK tərəfindən hazırlanan seçkilərlə bağlı sosial reklamlar göstərməyib.
Hakim YAP partiyasının sədri, eyni zamanda prezident olan İlham Əliyev geniş və əsasən pozitiv şəkildə işıqlandırılıb.
Yaradılan seçki bloklarının, bu bloklara daxil olan siyasi partiyaların, habelə müstəqil partiyaların fəaliyyətlərinin işıqlandırılması yox dərəcəsində olub.
ATV, “Lider”, “Xəzər” telekanalları Əli Kərimliyə qarşı qara piardan istifadə edib.
Radioların monitorinqinin nəticələri barədə məlumat verən baş monitor Rəşad Əliyev bildirib ki, monitorinqi aparılan radioların göstərdiyi nəticələr telekanalların göstərdiyi nəticələrdən heç də yaxşı deyil, bəzi məqamlarda isə daha pisdir. Onun sözlərinə görə , radioların efirində seçkilərlə bağlı mövzuya az vaxt ayrılıb. Monitorinqi aparılan bütün radio kanallar Yap sədri İ. Əliyevə daha geniş efir vaxtı ayırıblar. ANS istisna olmaqla, digər radiolarda parlament seçkiləri ilə bağlı tok-şou və digər verilişlərə rast gəlinməyib. Heç bir radioda seçkilərlə bağlı sosial reklam efirə yayımlanmayıb.
Media Hüququ İnstitutunun proqram Xalid Ağaliyev monitorinqin nəticələrini şərh edərkən qeyd edib ki, nə radiolar, istər TV, istərsə də radiolar ədalətlilik, qərəzsizlik obyektivlik prinsiplərinə əməl etməyiblər. Ödənişli efir vaxtlarının qiyməti isə olduqca bahadır. Ümumi vəziyyəti qiymətləndirən Xalid Ağaliyev yayım mediasının hakimiyyətin inhisarında olduğunu bildirib.
Parlament seçkisi zamanı mediada monitorinq layihəsi ATƏT – in Bakı Ofisi tərəfindən dəstəklənir. Layihəyə texniki dəstək Avropa Komissiyasının maliyyələşdirdiyi “Azad Dalğalar ” layihəsi çərçivəsində təmin edilir.
http://www.irfs.az/component/option,com_remository/Itemid,32/func,fileinfo/id,34/lang,az/