RATİ həm də qeyd edir ki, iyunun 23-də RATİ-nin mətbuat mərkəzində keçirilən iki mətbuat konfransı zamani polislər RATİ-nin ofisi qarşısında dayanıb və həm təşkilatın sədri, həm də tədbirin təşkilatçılarından biri ilə danışmaq üçün tədbirlərə müdaxilə ediblər. Səbail rayonu polis şöbəsindən olan polis məmuru tədbirin mövzusunun nə olduğunu təkidlə tələb edib. RATİ-nin mətbuat mərkəzi 2007-ci ildən bəri eyni ünvanda fəaliyyət göstərməsinə baxmayaraq, bu, burada keçirilən tədbirlərə polis tərəfindən ilk müdaxilə olub.
Azərbaycan Respublikası Milli Məclisi və Hökuməti hələ də Azərbaycan Respublikası "Qeyri-hökumət Təşkilatları haqqında", "Kütləvi İnformasiya Vasitələri” haqqında, "Dövlət Rüsumu” haqqında" ,“Donorlar haqqında qanunlara və " İnzibati Məcəllə”yə təklif edilmiş düzəlişlər paketini qəbul etmə yollarını axtarır.
Düzəlişlər paketi cari formasında qəbul edilərsə, bu, bir çox QHT-lər üçün, xüsusilə də xarici QHT-lər, xarici donorlardan maliyyələşən QHT-lər və qeydiyyatı olmayan QHT-lər üçün onsuz da çətin olan vəziyyəti mürəkkəbləşdirəcək, hətta işini məhdudlaşdıracaq. Bu əlavə və dəyişikliklər parlamentin 30 iyunda keçiriləcək sessiyasında yenidən gözdən keçiriləcək.
RATİ Media Hüquqları İnstitutunu ofisdən çıxarmaq üçün sahibkara təzyiq etməyi təcili dayandırmağa və hazırda həyata keçirilən köçürmə əməliyyatını dayandırmağa çağırır. RATİ həm də polisi öz ofisində həyata keçirdiyi qanuni işinə qarışmamağa səsləyir. Sonda RATİ Azərbaycan hökumətini Azərbaycan Respublikası "Qeyri-hökumət Təşkilatları haqqında", "Kütləvi İnformasiya Vasitələri haqqında”, "Dövlət Rüsumu haqqında", “Donorlar haqqında” qanunlara və "İnzibati Məcəllə” yə təklif edilmiş düzəlişlər paketini qəbul etməməyə və məsələni parlament gündəliyindən çıxarmağa çağırır.
RATİ Media Hüquqları İnstitutuna və digər QHT-lərə qarşı davam edən təzyiqləri qınayır və Avropada İnsan Haqqları Konvensiyasına, Sosial və Siyasi Hüquqlar haqqında Beynəlxalq Konvensiyaya və Azərbaycanın Avropa Birliyi və Avropa Şurası kimi beynəlxalq təşkilatlar qarşısında götürdüyü öhdəliklərə zidd olan bütün əməllərə dərhal son qoymağa çağırır