Bu gün (12 iyun) təxminən saat 12.00 radələrində Prezident Aparatının (PA) qarşısında keçirilən piketdə çəkiliş aparan Reportyorların Azadlıq və Təhlükəsizlik İnstitutunun (RATİ) sədri Emin Hüseynov saxlanılıb.
Hadisə yerində olan RATİ-nin əməkdaşının sözlərinə görə, mülki geyimli şəxs hadisə yerində çəkiliş aparan E. Hüseynova yaxınlaşaraq onun Prezident Aparatına girməsini istəyib. Binaya daxil olandan sonra isə Emin Hüseynovun sənədləri, kamerası əlindən alınıb. Artıq saat yarımdır ki RATİ sədrinin azadlığı qeyri-qanuni məhdudlaşdırılıb. Onun saxlanılması və sonrakı taleyi barədə heç bir məlumat verilmir.
Qeyd edək ki, piketi Mərkəzləşdirilmiş test üsulu ilə keçirilən buraxılış imtahanında məqbul qiymət almamış 11-ci sinif məzunları və onların valideynləri keçirirdilər.