“Biz demokratiyanın, sülhün mühafizəsinin və insan haqlarının inkişaf etdirilməsi üçün ikitərəfli və hərtərəfli şəkildə birgə işimizə və bütün hökumətləri öz vətəndaşlarının insan haqlarını qorumağa yardım etməyə həvəsləndirməkdə davam edəcəyik.
Biz Ümumdünya İnsan Haqları Bəyannaməsinin 60 illik yubileyi şərəfinə acınacaqlı vicdan məhbusu məsələsini bütün dünyada işıqlandırmaq üçün Birləşmiş Millətlər Təşkilatının Baş Assambleyasında sözü gedən bəyannaməni birgə dəstəkləmişik”. Bu Avropa Birliyinin və Birləşmiş Ştatların 10 İyun 2008-ci il tarixidə Slovenyanın Brdo yaşayış məntəqəsində keçirdiyi sammitdə birgə qəbul edilmiş bəyannaməsində qeyd olunur.
Sammitin qəbul etdiyi bəyannamədə Avropa Birliyinin və Birləşmiş Ştatların rəhbərləri beynəlxalq sülhü, stabilliyi, demokratiyanı, insan haqlarını və qanunun aliliyinin inkişaf etdirilməsinə yardım edəcəklərinə söz veriblər.
Bəyannamə müəllifləri Ukrayna, Gürcüstan və Moldova kimi köhnə sovet respublikalarının demokratiya və insan haqlarının qorunması sahəsində cəhdləri təriflənsə də, Azərbaycan da daxil olmaqla Belarusda, Ermənistanda, Qazaxıstanda, Türkmənistanda, Tacikistanda, Özbəkistanda və Qırğızıstanda demokratiyanı, qanunun aliliyini və insan haqlarına hörməti inkişaf etdirməyə davam edəcəklərinə söz veriblər.