“Bizim yol” qəzetinin 15 fevral 2008-ci il tarixli sayında məlumat verilmişdi ki, hər gün onlarla səyyar qəzet satıcıları tutularaq polis bölmələrinə aparılır, qəzetlər əllərindən alınaraq, cərimə olunurlar.
Bu məsələni aydınlaşdırmaq məqsədilə RATİ Daxili İşlər nazirinə müraciət, Bakı Şəhər Baş Polis İdarəsininin rəisinə və Bakı şəhərinin bütün rayon polis idarələrinin rəislərinə isə informasiya sorğusu göndərib. Nazirə göndərilən müraciətdə bu məsələni araşdıraraq, müvafiq göstərişlərin verilməsi və bu barədə RATİ-ni məlumatlandırması xahiş olunub. İnformasiya sorğularında isə idarə rəislərinə baş vermiş hadisə ilə bağlı konkret suallar verilib.