İyunun 24-də Binəqədi rayon Məhkəməsində hakim Hüseyn Səfərovun sədrliyi ilə Vəkillər Kollegiyası Rəyasət Heyətinin Osman Kazımovun Vəkillər Kollegiyasından xaric edilməsi, bu iddiaya qarşı Osman Kazımovun verdiyi qarşılıqlı iddia və müstəqil tələb irəli sürən 3-cü şəxsin iddiası əsasında məhkəmə prosesi keçirildi.
Kazımov onu da bildirdi ki, müdafiəçisi olduğu Tural Kərimovun dövlət tərəfindən təyin edilmiş vəkili də var idi və digər istintaq hərəkətlərində həmin vəkil iştirak edib və eyni zamanda üzləşdirmə bitdikdən 5 dəqiqə sonra Tural Kərimov ilə birlikdə digər istintaq hərəkəti olan dindirmədə iştirak etmişik.
Osman Kazımov onu da əlavə etdi ki, Vəkillər Kollegiyası Rəyasət Heyətinin səlahiyyət müddəti 2009-cu ilin noyabrında bitib və onun qəbul etdiyi qərarların əsası yoxdur.
Hakim Hüseyn Səfərov Osman Kazımov protokolda müstəntiqə etiraz edib və bu səbəbdən də protokola imza atmalı idimi sualı ilə iddiaçının nümayəndələrinə müraciət edib.
Vəkillər Kollegiyası Rəyasət Heyətinin nümayəndəsi Feruz Allahverdiyev bildirib ki, etiraz etsə belə protokola qol çəkməli idi.
Hakim Hüseyn Səfərov iddiaçılardan Osman Kazımovun Sümbülə Əliyevaya ərizə ilə müraciət etdiyini , məzuniyyətə çıxması barədə əmri kimin verməsini və məzuniyyətə çıxma zamanı təqsirləndirilən şəxsdən və müstəntiqdən razılıq almaq lazım olduğunu təsdiq edən sənədləri məhkəməyə təqdim etməsini tələb etdi.
Hakim növbəti prosesi 12 iyul saat 11:00-a təyin edib.
Xatırladaq ki, Vəkillər Kollegiyası Rəyasət Heyətinin fevralın 4-də keçirilən iclasında Osman Kazımovun vəkillik fəaliyyətinin dayandırılması və qurum üzvlüyündən çıxarılması üçün məhkəməyə müraciət olunması barədə qərar qəbul edilib. Rəyasət Heyəti bu qərarı baş prokurorun birinci müavini Rüstəm Usubovun təqdimatı əsasında çıxarıb. Prokurorluq Osman Kazımovu Cinayət Prosessual Məcəlləsini və “Vəkillik fəaliyyəti haqqında” qanunu pozmaqda ittiham edir.