Martın 29-da “Azadlıq” qəzetinin müxbiri Seymur Həziyev Abşeron rayon Polis İdarəsində ifadə verib. Bu barədə bu gün (30 mart) Reportyorların Azadlıq və Təhlükəsizlik İnstitutuna (RATİ) S. Həziyev məlumat verib.
S. Həziyev bildirdi ki, dünən ekspertlə görüşərək, müayinədən keçib:
“İfadə verdiyim zaman maddi sübut kimi o şəxslərin başıma keçirdikləri maska papağı və paltomu onlara təqdim elədim. Ekspertizanın rəyi isə hələ ki açıqlanmayıb” deyə jurnalist bildirdi.
Qeyd edək ki, “Article 19” beynəlxalq insan haqları təşkilatının icraçı direktoru Eyn Kalmand Seymur Həziyevin naməlum şəxslərin fiziki hücumuna məruz qalması ilə bağlı bəyanat yayaraq, jurnalistə qarşı edilən bu hərəkət pisləyir və ona fiziki-psixoloji təzyiq göstərənlərin dərhal tapılaraq cəzalandırılması tələb edib.
Eyni zamanda Prezident Administrasiyasının ictimai-siyasi şöbəsinin müdiri Əli Həsənov da “Azadlıq” qəzetinin əməkdaşı Seymur Həziyevin döyülməsinə münasibət bildirərək, məsələ ilə bağlı araşdırma aparıldığını və hadisənin jurnalistin peşə fəaliyyəti zəminində törədildiyi təqdirdə, günahkarların mütləq şəkildə tapılaraq cəzalandırılacağını deyib.
Xatırladaq ki, martın 25-dən 26-a keçən gecə saat 00.30 radələrində “Azadlıq” qəzetinin müxbiri Seymur Həziyevin yaşadığı Abşeron rayonunun Ceyranbatan qəsəbəsinin girişindən başına torba keçirilərək oğurlanılıb və naməlum ünvana aparılaraq işgəncəyə məruz qoyulduqdan sonra Binəqədi rayonu ərazisində küçəyə atılıb.
“İfadə verdiyim zaman maddi sübut kimi o şəxslərin başıma keçirdikləri maska papağı və paltomu onlara təqdim elədim. Ekspertizanın rəyi isə hələ ki açıqlanmayıb” deyə jurnalist bildirdi.
Qeyd edək ki, “Article 19” beynəlxalq insan haqları təşkilatının icraçı direktoru Eyn Kalmand Seymur Həziyevin naməlum şəxslərin fiziki hücumuna məruz qalması ilə bağlı bəyanat yayaraq, jurnalistə qarşı edilən bu hərəkət pisləyir və ona fiziki-psixoloji təzyiq göstərənlərin dərhal tapılaraq cəzalandırılması tələb edib.
Eyni zamanda Prezident Administrasiyasının ictimai-siyasi şöbəsinin müdiri Əli Həsənov da “Azadlıq” qəzetinin əməkdaşı Seymur Həziyevin döyülməsinə münasibət bildirərək, məsələ ilə bağlı araşdırma aparıldığını və hadisənin jurnalistin peşə fəaliyyəti zəminində törədildiyi təqdirdə, günahkarların mütləq şəkildə tapılaraq cəzalandırılacağını deyib.
Xatırladaq ki, martın 25-dən 26-a keçən gecə saat 00.30 radələrində “Azadlıq” qəzetinin müxbiri Seymur Həziyevin yaşadığı Abşeron rayonunun Ceyranbatan qəsəbəsinin girişindən başına torba keçirilərək oğurlanılıb və naməlum ünvana aparılaraq işgəncəyə məruz qoyulduqdan sonra Binəqədi rayonu ərazisində küçəyə atılıb.