Reportyorların Azadlıq və Təhlükəsizlik İnstitutunun (RATİ) sədri, hüquq müdafiəçisi Emin Hüseynov Dövlət Gömrük Komitəsinə qarşı iddia ərizəsi ilə məhkəməyə müraciət edib və 10 min manat təzminat tələb edir. Hüquq müdafiəçisi bildirib ki, cavabdeh olan Dövlət Gömrük Komitəsinin hərəkətlərinin qanunsuz hesab edilməsi, ayrı-seçkiliyin qadağan olunması, maddi və mənəvi zərərin ödənilməsi tələbinə dair iddia ərizəsi ilə məhkəməyə müraciət edib.
”İddia ərizəsi üzrə cavabdeh olan Ədliyyə Nazirliyinin ekspertiza şöbəsi mənə məxsus olan əmlakları əsaslandırmadan yüksək qiymətlərlə qiymətləndirib və qiymətləndirmə ilə bağlı Gömrük Komitəsinə rəy təqdim edib. Həmin rəyə görə, mənim Dubaydan Bakıdakı qiymətlərdən ən azı iki dəfə ucuz aldığım əşyalar Bakı qiymətləri ilə hesablanıb. Eyni zamanda mənə məxsus olan iki ədəd işlənmiş kamera da Ədliyyə Nazirliyinin eksperti tərəfindən təzə kimi qiymətləndirilib. Digər cavabdeh qurum isə Maliyyə Nazirliyidir. Qanunvericiliyə uyğun olaraq, dövlət qurumunun hərəkətləri nəticəsində dəymiş maddi və mənəvi zərərin ödənilməsi tələb edilirsə, o dövlət büdcəsindən tutularaq ödəniləcək. Bu məbləğ mənə ödəniləcəksə, bunu Maliyyə Nazirliyi icra edəcəyindən cavabdeh qismində iddia ərizəsinə əlavə edilib”- deyə hüquq müdafiəçisi əlavə edib.
Hüquq müdafiəçisi pozulmuş hüquqlarının bərpası ilə bağlı sona qədər mübarizə aparacağını və Avropa məhkəməsinə qədər gedəcəyini bildirdi.
Hüquq müdafiəçisi pozulmuş hüquqlarının bərpası ilə bağlı sona qədər mübarizə aparacağını və Avropa məhkəməsinə qədər gedəcəyini bildirdi.