Onun sözlərinə görə, atası ilə birgə bloqerin yeznəsi (bacının həyat yoldaşı) da Bakıya gətirildi. Mirzəli əlavə etdi ki, qohumları onun tənqidi mövqeyinə, fəaliyyətinə görə incidirlər:
“Atamın polisə aparılmasına səbəb hakimiyyəti tənqid edən videoları sosial şəbəkələrdə yaymağımdır. Bu həm də ilk dəfə deyil ki, atamı polisə aparırlar. 2016-cı, 2017-ci ildə də belə olub. Hətta məndən övlad kimi imtina ərizəsi də yazdırıblar. Məndən tələb edirlər ki, fəaliyyətimə son qoyum və Made in Azerbaycan facebook səhifəsindəki videoları silim”, – M.Mirzəli deyib.
M.Mirzəlinin dediyinə görə, atasının və yeznəsinin polisə aparılmasının səbəbləri barədə heç nə deməyib.
Mirzəli həmçinin bildirib ki, bacısının həyat yoldaşı Ağayev Elmana qarşı artıq ittiham irəli sürüldü. Onu narkotiklərin qanunsuz dövriyyəsində ittiham edirlər.