Böyük Britaniyanın Azərbaycandakı səfiri xanım Karolin Braun Naxçıvan səfəri çərçivəsində “Demokratiya və QHT-lərin İnkşaf Resurs Mərkəzi”nin müvəqəti ofisində Reportyorların Azadlıq və Təhlükəsizlik İnstitutunun (RATİ) Naxçıvandakı bölgə müxbirləri – Elman Abbasov və Həkimeldostu Mehdiyevlə görüşüb.
O, Böyük Britaniyanın Azərbaycandakı səfirliyinin maliyyə dəstəyi ilə RATİ-nin Muxtar Respublikada həyata keçirdiyi “İnsan Hüquqları və Kütləvi İnformasiya Vasitələrinin Monitorinqi” layihəsi ilə maraqlanıb. RATİ-nin Naxçıvandakı əməkdaşları səfiri Naxçıvan MR-də insan haqları və mətbuatın vəziyyəti haqda məlumatlandırılıblar və bu barədə geniş müzakirələr aparılıb. Sonra xanım Braun son dövrlər Muxtar Respublikada təzyiqə məruz qalmış bir neçə sakinlə görüşüb və onları dinləyib.
Qeyd edək ki, Britaniya səfiri səfəri zamanı siyasi məsələlər üzrə ikinci katibi Katrin Klev müşayiət edib.