Bu gün (30 oktyabr) Yasamal Rayon Məhkəməsində hakim Svetlana Əhmədovanın sədrliyi ilə Qafqaz Müsəlmanları İdarəsinin sədri Hacı Allahşükür Paşazadənin “Gündəlik Bakı” qəzetinə qarşı şərəf və ləyaqətin müdafiəsi ilə bağlı qaldırdığı iddia əsasında məhkəmə prosesində yekun qərar verilib. Qərara əsasən, “Gündəlik Bakı” qəzeti təkzib verməli və Hacı Allahşükür Paşazadədən üzr istəməlidir.
“Gündəlik Bakı” qəzetinin baş redaktoru Habil Vəliyev qərardan apellyasiya şikayəti verəcəyini bildirib.
Xatırladaq ki, A. Paşazadə "Gündəlik Bakı" qəzetinin 14 yanvar 2009-cu il tarixində dərc edilmiş "Cənubdakı narkotik marşrutu-2" adlı məqalədə şərəf və ləyaqətinin təhqir olunduğunu hesab edərək məhkəməyə müraciət etmiş, qəzetin üzr istəməsini və təkzib verməsini tələb etmişdir.