“Azadlıq” qəzetinin əməkdaşı Aqil Xəlilin 22 fevral 2008-ci il tarixində "Zeytun bağı" adlanan ərazidə döyülməsi ilə bağlı iş Avropa Məhkəməsinə göndərilib.
Bu haqda məlumatı RATİ-yə vəkil Elçin Sadıqov verib. “Bu işlə bağlı biz əvvəl Nəsimi Rayon Məhkəməsinə müraciət etdik. İddiamız təmin olunmadı. Daha sonra Apellyasiya məhkəməsi də eyni qərarı qüvvədə saxladı. Biz bu iş üzrə Avropa İnsan Haqqları Konvensiyasının 2, 3, 5, 6 və 10-cu maddələrinin pozuntusundan Avropa Məhkəməsinə müraciət etdik. Şikayətdə Aqil Xəlilin Baş Prokurorluq tərəfindən işgəncələrə məruz qalması və təhlükəsizliyinin təmin edilməməsi məsələləri də yer alıb” – deyə vəkil bildirib.