AQİL XƏLİLƏ HÜCUMLARLA BAĞLI CİNAYƏT İŞLƏRİ BİRLƏŞDİRİLİB

mart 19th, 2008
“Azadlıq” qəzetinin baş direktoru Azər Əhmədovun RATİ-yə verdiyi məlumata görə, qəzetin əməkdaşı Aqil Xəlilin döyülməsi və sonradan bıçaqlanması ilə əlaqədar başlanan cinayət işləri birləşdirilib.

. Birləşdirilmiş cinayət işi üzrə istintaq Bakı Şəhər Baş Polis İdarəsi tərəfindən aparılır. Müstəntiq Nazim Əhmədovdur.

    Baş direktor əlavə edib ki, Aqil Xəlil bu gün saat 11.00-dan 17.00-a qədər İdarədə olub, ona hücum etmiş şəxslərin tanınması istiqamətində istintaq hərəkətləri aparılıb. Bununla belə, kimlərinsə saxlanması ilə bağlı jurnalistə və Azər Əhmədova heç bir məlumat verməyiblər.
    *Bu gün bir sıra qəzetlərin yazdığı məlumata görə, jurnalisti döyənlərdən biri MTN-nin polkovniki Akif Çovdarovdur və onun şəxsiyyəti artıq istintaqa məlumdur.