Dünən Parisdə AŞPA-nın Monitorinq Komitəsinin iclası keçirilib. İclasda Azərbaycan üzrə həmməruzəçilər Andres Herkel və Yevgeniya Jivkova fevralda Azərbaycana etdikləri səfərlə bağlı məlumat veriblər.
“Exo” qəzetinə verdiyi müsahibəsində Andres Herkel bildirib ki, iyunun sonunda Azərbaycan üzrə hesabat təqdim ediləcək və bu hesabat ölkədə son vəziyyəti əhatə edəcək. Onun sözlərinə görə, iclasda siyasi məhbuslarla bağlı məsələ də müzakirə olunub: “İndi biz qarşıdan gələn Novruz bayramı ilə bağlı əfv fərmanının olub-olmayacağı ilə bağlı xəbər gözləyirik. Mən dəqiq anlatdım ki, jurnalist qardaşlar (Qənimət və Sakit Zahidovlar), həmçinin Eynulla Fətullayev dərhal azad olunmalıdırlar. Mən səmimi olaraq istəyirəm ki, siyasi məhbuslarla bağlı məsələ tez həllini tapsın, çünki həllini gözləyən digər məsələlər var”.