“Azadlıq” qəzetinin həbsdə olan baş redaktoru Qənimət Zahid (Zahidov) və “Bizim yol” qəzetinin həbsdə olan əməkdaşı Müşfiq Hüseynovun kasasiya şikayətləri icraata götürülüb.
Bu barədə bu gün (2 iyun) “ANS-PRESS” saytı məlumat yayıb.
Məlumata görə, hər iki şikayətə hakim Müzəffər Ağazadənin sədrliyi ilə baxılacaq.
Q. Zahidin vəkili Əlayif Həsənov və M. Hüseynovun vəkili Vüqar Xasayev isə RATİ-nin əməkdaşı ilə telefon söhbətində bu məsələdən xəbərsiz olduqlarını bildiriblər:
”Biz şikayəti vermişik, amma icraata qəbul olunması ilə bağlı hələ bildiriş almamışıq ”, – deyə Ə. Həsənov qeyd etdi.