Milli Məclisin dünən (01 fevral) keçirilən iclasında İnzibati Xətalar Məcəlləsinə (İXM) dəyişiklik edilib. Bu barədə “Mediaforum” xəbər saytı məlumat yayıb.
İXM-in 187-1. (Televiziya və radio yayımı haqqında qanunvericiliyin pozulması) maddəsində edilmiş dəyişikliyə görə, qanunun tələblərini pozmuş teleradio yayımçıları ona tətbiq edilən müvafiq məsuliyyət tədbirinin məzmunu barədə məlumatı müəyyən edilmiş vaxt ərzində yayımlamasa, məsuliyyət daşıyacaq. Qanunun tələblərini pozan vəzifəli şəxslər üç yüz manatdan beş yüz manatadək, hüquqi şəxslər isə min manatdan iki min manatadək cərimə edilə bilər.