Bu gün (13 yanvar) Yasamal rayon Məhkəməsində hakim Xəqani Məmmədovun sədrliyi ilə 21 saylı orta məktəbin direktoru Fərrux Ağasiyevin və həmin məktəbin təlim-tədris işləri üzrə direktor müavini Zöhrə Yusubovanın “Gündəlik Bakı ” qəzetinə qarşı qaldırdığı xüsusi ittiham qaydasında iddia üzrə məhkəmənin növbəti qapalı iclası keçirilib.
Məhkəmə prosesində iddiaçı tərəfdən vəkil Bakıxan Yusifov, cavabdeh tərəfdən isə qəzetin təsisçisi və baş redaktoru Habil Vəliyev və baş redaktorun birinci müavini Üzeyir Cəfərov iştirak edib. Bu barədə RATİ-yə Ü. Cəfərov məlumat verib.
”Prosesin əvvəlində hakim Xəqani Məmmədov məktəbin nümayəndəsi Bakıxan Yusifovdan “Gündəlik Bakı” qəzetinin redaksiyasının barışığa hazır olması il bağlı fikirlərə münasibətini öyrəndi. Amma iddiaçı tərəfin nümayəndəsi buna etiraz edərək, məhkəmədə işə baxılmasında israrlı olduqlarını hakimin nəzərinə çatdırdı”, – deyə qeyd edən Ü. Cəfərovun sözlərinə görə, proses zamanı məhkəmə zalında qəfildən vəkil Bakıxan Yusifovun halı pisləşib. Bu səbəbdən hakim X. Məmmədovun prosesi yanvar ayının 22-si saat 15:00-a təxirə salıb.
Xatırladaq ki, iddiaya "Gündəlik Bakı" qəzetinin 07 noyabr 2008-ci il tarixli 203 (274)-ci sayında "5-ci sinif şagirdi zorlandı" başlıqlı və "21 saylı orta məktəbin rəhbərliyi faktı gizlədir" yarım başlığı altında dərc edilmiş məqalə səbəb olub.
Xatırladaq ki, iddiaya səbəb “Gündəlik Bakı” qəzetinin 07 noyabr 2008-ci il tarixli, 203 (274) saylı buraxılışında “5-ci sinif şagirdi zorlandı” başlığı altında dərc edilmiş məqalədir. Məqalədə 21 saylı məktəbdə 5-ci sinif şagirdinin zorlandığı və məktəb rəhbərliyinin bu faktı gizlətməsindən bəhs olunub. İddiaçılar sözügedən məqaləni şərəf və ləyaqəti ləkələyən, işgüzar nüfuza xələl gətirən yazı hesab edərək Cinayət Məcəlləsinin 147.2-ci maddəsi ilə məhkəməyə müraciət ediblər. İddiaçılar “Gündəlik Bakı” qəzetinin istehsalına və yayımına xitam verilməsi, həmçinin qəzet redaksiyasının 10.000 AZN, yazı müəllifinin isə 15.000 AZN cərimələnməsini məhkəmədən xahiş edir.
Xatırladaq ki, iddiaya səbəb “Gündəlik Bakı” qəzetinin 07 noyabr 2008-ci il tarixli, 203 (274) saylı buraxılışında “5-ci sinif şagirdi zorlandı” başlığı altında dərc edilmiş məqalədir. Məqalədə 21 saylı məktəbdə 5-ci sinif şagirdinin zorlandığı və məktəb rəhbərliyinin bu faktı gizlətməsindən bəhs olunub. İddiaçılar sözügedən məqaləni şərəf və ləyaqəti ləkələyən, işgüzar nüfuza xələl gətirən yazı hesab edərək Cinayət Məcəlləsinin 147.2-ci maddəsi ilə məhkəməyə müraciət ediblər. İddiaçılar “Gündəlik Bakı” qəzetinin istehsalına və yayımına xitam verilməsi, həmçinin qəzet redaksiyasının 10.000 AZN, yazı müəllifinin isə 15.000 AZN cərimələnməsini məhkəmədən xahiş edir.