”QARABAĞ VƏ RESPUBLİKA UĞRUNDA HƏRƏKAT” TƏŞƏBBÜS QRUPU TƏSİS EDİLDİ

yanvar 13th, 2009
Azərbaycan Respublikası Konstitusiyasına təklif olunan  əlavə və dəyişikliklərin əleyhinə olan müxalifət partiyaları – Azərbaycan Demokrat Partiyası, Müsavat Partiyası, Azərbaycan Xalq Cəbhəsi Partiyası, Vətəndaş və İnkişaf Partiyası, Ümid Partiyası, Azərbaycan Liberal Partiya və bir neçə ictimai birlik ”Qarabağ və Respublika Uğrunda Hərəkat” Təşəbbüs Qrupunu  təsis etdilər.

Yaxın günlərdə təşəbbüs qrupunun yaranması ilə bağlı bildiriş MSK-ya təqdim olunacaq.
Qeyd edək ki, mart ayının 18-də Azərbaycanda referendum keçiriləcək. Referendum nəticəsində 159 maddədən ibarət Azərbaycan Respublikası Konstitusiyasının 29 maddəsinə əlavə və dəyişikliklərin edilməsi  nəzərdə tutulur. Təklif olunan əlavə və dəyişikliklərdə söz və mətbuat azadlığının məhdudlaşdırılması da nəzərdə tutulur.