Bu gün (15 iyun) Azərbaycanın Milli Qəhrəmanı, ANS telekanalının reportyoru Çingiz Mustafayevin ölüm günüdür.
Mərhum jurnalistin ölümündən 17 il keçir.
Çingiz Mustafayevin həmkarları – ANS şirkətlər qrupunun əməkdaşları və ailə üzvləri Şəhidlər Xiyabanında şəhid jurnalistin məzarı önünə yığışaraq, Milli Qəhrəmanlın xatirəsini yad ediblər.
Reportyorların Azadlıq və Təhlükəsizlik İnstitutunun kollektivi də şəhid jurnalistin məzarını ziyarət edərək, qəbri üzərinə gül dəstələri düzüblər.
Qeyd edək ki, Çingiz Mustafayev Qarabağ müharibəsi zamanı – 1992-ci ilin iyun ayının 15-də Ağdamın Naxçıvanik kəndində çəkiliş zamanı aldığı mərmi qəlpəsindən həlak olub. Şəhid jurnalistə 1993-cü ildən Azərbaycanın Milli Qəhrəmanı fəxri adı verilib.