Son günlərdə “Qeyri-hökumət Təşkilatları haqqında” Azərbaycan Respublikası Qanununa təklif edilən dəyişikliklərin mövcud təşkilatlara da təsir göstərəcəyi ilə bağlı suallar meydana çıxmışdır.
Bir çox təşkilatlar təklif edilən Qanunun "Keçid Müddəaları Bölməsi”ni istisna edən müqayisəli versiyaya malikdir. Reportyorların Azadlığı və Təhlükəsizliyi İnstitutu bu qanun layihəsinin surətini əldə etmişdir.
VI. Keçid Müddəaları
Bu Qanun qüvvəyə minənədək dövlət qeydiyyatına alınmış qeyri-hökumət təşkilatlarına da bu Qanunun müddəaları şamil edilir.
Bu Qanun qüvvəyə minənədək dövlət qeydiyyatına alınmış qeyri-hökumət təşkilatları öz fəaliyyətlərini, habelə təsisçilərini bu Qanunun tələblərinə uyğunlaşdırmalıdırlar.
Bu Qanun qüvvəyə mindikdən sonra bir il müddətində öz fəaliyyətlərini bu Qanunun tələblərinə uyğunlaşdırmayan qeyri-hökumət təşkilatlarının dövlət qeydiyyatı müvafiq icra hakimiyyəti orqanının müraciəti əsasında məhkəmə tərəfindən ləğv edilir.
RATİ artıq Azərbaycanda bütün müstəqil QHT-ləri təhlükəyə məruz qoyan dəyişikliklər haqqında bəyanatı yaymışdır.
Bəyanat üçün buraya baxın:http://www.irfs.az/content/view/2436/lang,az/