İşgəncələr Əleyhinə Azərbaycan Komitəsinin sədri Elçin Behbudov dünən 2 saylı cəzaçəkmə müəssisəsində saxlanılan “Bizim yol” qəzetinin əməkdaşı Müşfiq Hüseynovla görüşüb.
Bu haqda RATİ-yə hüquq müdafiəçisinin özü məlumat verib.
“Mən Cəzaçəkmə Müəssisəsinə jurnalistin öz istəyi ilə getdim. Onun vəziyyəti normaldır. Saxlanma şəraitindən və nəzarətçilərdən heç bir şikayəti yoxdur. Bir az soyuqdəyməsi var və müalicə olunur”, – deyə qeyd edən E. Behbudovun sözlərinə görə, görüş zamanı CM-nin rəhbəri bildirib ki, Hüseynovu Müalicə Müəssisəsinə köçürmək istəyiblər. Lakin jurnalistin özü bunu istəməyib.