Bu gün “Azadlıq” qəzetinin əməkdaşı Aqil Xəlilin döyülməsi ilə əlaqədar daha bir jurnalist istintaqa cəlb olunub.
Belə ki, “Gün səhər” qəzetinin əməkdaşı Nemət Hüseynli müstəntiq Əli Quliyev tərəfindən Baş Prokurorluğun Ağır Cinayətlərə dair İstintaq İdarəsinə çağırılıb və iki saata yaxın orada dindirlib. Bu barədə RATİ-yə qəzetin baş redaktoru Qabil Abbasoğlu məlumat verib: “Aqil döyüləndən sonra onun telefonuna gələn zənglərin siyahısında əməkdaşımızın adı olub. Və bu barədə informasiya almaq məqsədilə Hüseynli idarədə dindirilib”.