Oktyabrın 10-dan Azərbaycan Nəşriyyatında yeni ofset çap kompleksi quraşdırılıb və həmin gündən etibarən rəsmi qəzetlər – “Azərbaycan”, “Respublika” “Xalq” və “Bakinskiy raboçiy” qəzetləri rəngli çap olunublar.
Amma hələ ki, qəzetlərin yeni üsulla rəngli çap olunmalarının neçəyə başa gəlməsi barədə məlumat verilmir.
“Azərbaycan” qəzetinin baş redaktorunun müavini Amil Novruzov RATİ-nin əməkdaşı ilə söhbətində yeni üsulla çapda qiymət fərqinin olduğunu bildirdi. Amma o rəqəm söyləmədi: ”Rəngli çapın maliyyə xərcləri ağ-qara çapın xərclərindən bahadır. Nəşriyyat tərəfindən rəngli çapın maliyyə xərcləri hesablanıb bizə veriləcək”.
“Xalq” qəzetinin məsul katibi İlqar Rüstəmov da yeni üsulla qəzetin çapının məsrəfləri barədə məlumat verə bimədi: “Hələ rəngli çapa yeni keçmişik və bu səbəbdən də çap xərclərinin nə qədər artacağı barədə məlumatımız yoxdur”.
Belə ki, “Azadlıq” qəzetinin də gələcəkdə yeni üsulla çap olunacağı gözlənilir. Bunu qəzetin direktoru Azər Əhmədov dedi. Amma müəyyən problemlərə görə hələ ki, qəzet rəhbərliyi qəti qərar qəbul etməyib: ”Rəngli çap qurğusu 5-6 gündür ki, fəaliyyət göstərir. Qurğu hələ tam gücü ilə işə başlamayıb. Rəngli çıxan qəzetlərin hansı texnologiyalar ilə işlədiyi, qəzetin səhifələrini hansı formatda olacağı və rəngli çapın maliyyə xərcinin nə qədər olacağı da hələ müəyyənləşməyib. Bu kimi məsələlər müəyyənləşdikdən sonra konkret qərar verərik”.
“Zerkalo” qəzetinin baş redaktoru Elçin Şıxlı isə rəngli çap üsulundan davamlı olmasa da, arabir istifadə etdiklərini bildirdi: ”Azərbaycan Nəşriyyatında rəngli çap qurğusu ən azı 1-2 aydan sonra tam gücü ilə işləyəcək. Biz başqa mətbəədə “Zerkalo” qəzeti rəngli çap etmişik. Nə zaman istəsək “Zerkalo” qəzeti rəngli çıxır. Ona görə də bu bizim üçün yenilik deyil”.
“Azərbaycan” qəzetinin baş redaktorunun müavini Amil Novruzov RATİ-nin əməkdaşı ilə söhbətində yeni üsulla çapda qiymət fərqinin olduğunu bildirdi. Amma o rəqəm söyləmədi: ”Rəngli çapın maliyyə xərcləri ağ-qara çapın xərclərindən bahadır. Nəşriyyat tərəfindən rəngli çapın maliyyə xərcləri hesablanıb bizə veriləcək”.
“Xalq” qəzetinin məsul katibi İlqar Rüstəmov da yeni üsulla qəzetin çapının məsrəfləri barədə məlumat verə bimədi: “Hələ rəngli çapa yeni keçmişik və bu səbəbdən də çap xərclərinin nə qədər artacağı barədə məlumatımız yoxdur”.
Belə ki, “Azadlıq” qəzetinin də gələcəkdə yeni üsulla çap olunacağı gözlənilir. Bunu qəzetin direktoru Azər Əhmədov dedi. Amma müəyyən problemlərə görə hələ ki, qəzet rəhbərliyi qəti qərar qəbul etməyib: ”Rəngli çap qurğusu 5-6 gündür ki, fəaliyyət göstərir. Qurğu hələ tam gücü ilə işə başlamayıb. Rəngli çıxan qəzetlərin hansı texnologiyalar ilə işlədiyi, qəzetin səhifələrini hansı formatda olacağı və rəngli çapın maliyyə xərcinin nə qədər olacağı da hələ müəyyənləşməyib. Bu kimi məsələlər müəyyənləşdikdən sonra konkret qərar verərik”.
“Zerkalo” qəzetinin baş redaktoru Elçin Şıxlı isə rəngli çap üsulundan davamlı olmasa da, arabir istifadə etdiklərini bildirdi: ”Azərbaycan Nəşriyyatında rəngli çap qurğusu ən azı 1-2 aydan sonra tam gücü ilə işləyəcək. Biz başqa mətbəədə “Zerkalo” qəzeti rəngli çap etmişik. Nə zaman istəsək “Zerkalo” qəzeti rəngli çıxır. Ona görə də bu bizim üçün yenilik deyil”.