İyunun 29-da 1 saylı Bakı İqtisad Məhkəməsində hakim Müseyib Bayramovun sədrliyi ilə “Sumqayıt Gənclərinin Hüquqi Maarifləndirilməsi” ictimai birliyinin (SGHMİB) Azərbaycan Respublikası Milli Televiziya və Radio Şurasına (MTRŞ) qarşı qaldırdığı iddia üzrə məhkəmə qətnaməsi çıxarılıb.
Bu barədə Reportyorların Azadlıq və Təhlükəsizlik İnstitutuna SGHMİB-nin prezidenti Elçin Məmməd məlumat verib.
Prosesdə iddiaçı qismində çıxış edən SGHMİB-nin prezidenti Elçin Məmməd Sumqayıt şəhərində yeni telekanalın açılması üçün MTRŞ-nın efir tezliyi ayırmamasının qanunsuz hesab edilməsi və tezliyin verilməsi barədə qərar çıxarmağı xahiş edib.
MTRŞ nümayəndəsi Toğrul Məmmədov iddianı əsasız hesab edərək Sumqayıt şəhərində 1 yerli telekanalın fəaliyyət göstərdiyini, ölkə üzrə yayilan telekanalların və 11 kabel televiziyasının Sumqayıt ərazisində yayımlandığı üçün yeni telekanalın acılmasına ehtiyac olmadığını bildirib. MTRŞ nümayəndəsi hakimdən iddianı təmin etməməyi xahiş edib.
Hakim SGHMİB-nin iddiasının təmin edilməməsi ilə bağlı qətnamə çıxarıb.
MTRŞ nümayəndəsi Toğrul Məmmədov iddianı əsasız hesab edərək Sumqayıt şəhərində 1 yerli telekanalın fəaliyyət göstərdiyini, ölkə üzrə yayilan telekanalların və 11 kabel televiziyasının Sumqayıt ərazisində yayımlandığı üçün yeni telekanalın acılmasına ehtiyac olmadığını bildirib. MTRŞ nümayəndəsi hakimdən iddianı təmin etməməyi xahiş edib.
Hakim SGHMİB-nin iddiasının təmin edilməməsi ilə bağlı qətnamə çıxarıb.
Elçin Məmməd RATİ-yə bildirib ki, qərardaddan Apellyasiya Məhkəməsinə şikayət edəcək.