Bu gün (02 fevral) Apellyasiya Məhkəməsində hakim Rəhim Mirzəyevin sədrliyi ilə “Elçi ” qəzetinin baş redaktoru Əli Həziquliyevin “Gənc Vətənpərvərlər Hərəkatı”nın (GVH) sədri Fikrət Fərəməzoğluna qarşı Cinayət Məcəlləsinin 147.2 maddəsi ilə xüsusi ittiham qaydasında qaldırdığı iddia üzrə Yasamal rayon Məhkəməsinin çıxardığı qərardan verdiyi apellyasiya şikayəti üzrə məhkəmə prosesi keçirilməli idi.
Lakin iddiaçının məhkəmə prosesində iştirak etməməyinə görə proses fevralın 09-a qədər təxirə salınıb. Bu barədə RATİ-yə F.Fərəməzoğlu məlumat verib.
Qeyd edək ki, ötən il (2008-ci il ) Yasamal rayon məhkəməsi GVH sədri Fikrət Fərəməzoğlunun günahsız olduğu barədə qərar çıxarıb. “Elçi ” qəzetinin baş redaktoru Əli Həziquliyev isə bu qərardan apelyasiya şikayəti verib. İddiaya F. Fərəməzoğlunun “24 saat” qəzetinin 04 fevral 2008-ci il tarixli sayında “Şərəfsizlərə şərəf dərsi” məqaləsi səbəb olub.