Bu gün (23 aprel) Bakı Şəhər Apellyasiya Məhkəməsində hakim Rəşadət Ağayevin sədrliyi ilə “Gündəlik Azərbaycan” qəzetinin ANS Müstəqil Yayım və Media Şirkətinə qarşı qaldırdığı iddia əsasında birinci instansiya məhkəməsinin çıxardığı qərardan cavabdehin vermiş olduğu apellyasiya şikayəti üzrə məhkəmə prosesi keçirilməli idi.
Amma qəzetin nümayəndəsinin prosesdə iştirak etmədiyinə görə məhkəmə iclası 14 may saat 11. 00-a qədər təxirə salınıb.
Fəaliyyəti dayandırılmış “Gündəlik Azərbaycan” qəzetinin şef-redaktoru Şahvələd Çobanoğlu isə RATİ-nin əməkdaşı ilə söhbətində ümumiyyətlə onlara bu məhkəmə prosesi və işin motivi barədə heç bir məlumatın verilmədiyini deyib.