Müdafiə Nazirliyi (MN) “Reytinq” qəzetinin 5 iyul sayında dərc olunan “Döyüş və söyüş vərəqələri” başlıqlı məqaləsi barədə ölçü götürmək barədə Mətbuat Şurasına (MŞ) müraciət edib. Müraciətə səbəb məqalənin müəllifi Taleh Şahsuvarlının sözügedən yazıda “Azərbaycan ordusunda əsgər olmaqla, düşmən düşərgəsində əsir olmaq arasında heç bir fərq yoxdur” kimi açıq çağırış şüarı ilə çıxış etməsi olub.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən “Reytinq” qəzetinin baş redaktoru Afiq Mirzəbəyli MN-in reaksiyasının əsassız olduğunu bildirib:
“Nazirliyin bu müraciəti tamamilə əsassızdır və müxbir öz yazısında Azərbaycan ordusunda son vaxtlar əsgərlərlə bağlı məlum olaylarla bağlı aparılan istintaq materiallarına istinad edib. Hesab edirəm ki, Müdafiə Nazirliyi müxbirin yazısına bir belə reaksiya verməkdənsə, ordudakı çatışmazlıqları aradan qaldırmağa çalışsın”.
Mətbuat Şurasının katibliyindən Rəhim Hüseynzadə RATİ-yə bildirib ki, müraciətə əsasən, hər iki tərəfin iştirakı ilə anlaşılmazlıqları aradan qaldırmağa çalışacaqlar: “Əgər anlaşılmazlıq aradan qalxmazsa, məsələyə Şikayət Komissiyasının iclasında baxılacaq”.
Məsələ ilə bağlı Müdafiə Nazirliyinə dəfələrlə zəng etsək də, nazirliyin mövqeyini öyrənmək cəhdimiz baş tutmadı.
“Nazirliyin bu müraciəti tamamilə əsassızdır və müxbir öz yazısında Azərbaycan ordusunda son vaxtlar əsgərlərlə bağlı məlum olaylarla bağlı aparılan istintaq materiallarına istinad edib. Hesab edirəm ki, Müdafiə Nazirliyi müxbirin yazısına bir belə reaksiya verməkdənsə, ordudakı çatışmazlıqları aradan qaldırmağa çalışsın”.
Mətbuat Şurasının katibliyindən Rəhim Hüseynzadə RATİ-yə bildirib ki, müraciətə əsasən, hər iki tərəfin iştirakı ilə anlaşılmazlıqları aradan qaldırmağa çalışacaqlar: “Əgər anlaşılmazlıq aradan qalxmazsa, məsələyə Şikayət Komissiyasının iclasında baxılacaq”.
Məsələ ilə bağlı Müdafiə Nazirliyinə dəfələrlə zəng etsək də, nazirliyin mövqeyini öyrənmək cəhdimiz baş tutmadı.