RATİ-nin Mətbuat Mərkəzində çərşənbə günü keçirilən mətbuat konfransında jurnalistlərin təqibi və onların ittihamı edilməsi, o cümlədən Azadxeber.org-un redaktoru Nicat Əliyevin işindən danışılıb.
Zeynalov bunların nə disk olduğunu dəqiqləşdirməyib, amma vəkil Anar Qasımlı bildirib ki, onlarda «Avroviziya» müsabiqəsi, sökülən evlər, Qarabağ problemi barədə məlumatlar olub. Vəkil bildirib ki, redaktoru CM-in 234-ci maddəsi ilə ittiham edirlər və onu 3 ilədək həbs gözləyir.
«Müdafiə etdiyim şəxsə fiziki və psixoloji təzyiq olub, onu döyüblər, homoseksualların yanına göndərməklə hədələyiblər. Nəticədə Əliyev etirafedici ifadə verib. Sonradan o, bu ifadələrdən imtina edib. Bildirib ki, ifadəni təzyiq altında verib. O, yenidən ifadə vermək üçün ərizə yazsa da, istintaq 20 gündür reaksiya vermir», – deyə vəkil bildirib.
İstintaq Əliyevin mənzilində axtarış aparan zaman onun şəxsi kompüterini götürüb, avtomobilini müsadirə edib. Pərvin Zeynalov deyib ki, Nicat Əliyevin həbsi onun peşə fəaliyyəti, saytda yerləşdirilən materiallarla bağlıdır. “Kollektivimiz Nicat Əliyevin təcili olaraq azad edilməsini tələb edir», – deyə o bildirib.