Dünən (11 dekabr) “İşgəncələrə Qarşı Azərbaycan” Komitəsinin rəhbəri Elçin Behbudov həbsdə olan jurnalistlər – “Azadlıq” qəzetinin baş redaktoru Qənimət Zahid (Zahidov) və “Bizim yol” qəzetinin əməkdaşı Müşfiq Hüseynovla görüşüb.
Bu barədə RATİ-yə E. Behbudovun özü məlumat verib. O, bildirib ki, jurnalistlərin saxlanma şəraitindən və onlara olan münasibətdən şikayəti olmayıb.
Komitə rəhbəri onu da deyib ki, atasının yas mərasimində iştirak edib, dekabr ayının 8-də yenidən cəzaçəkmə müəssisəsinə qaytarılan Q. Zahid ona atasının yas mərasimində iştirak etməyə imkan yaradan bütün şəxslərə minnətdarlığını bildirib.
Qeyd edək ki, Q.Zahidovun atası Səlim Zahidov dekabrın 1-i axşam saatlarında vəfat edib. Q. Zahidov , habelə həbsdə olan qardaşı “Azadlıq” qəzetinin əməkdaşı Sakit Zahidov (Mirzə Sakit) anaları Xədicə Zahidovanın Ədliyyə Nazirliyinə vurduğu teleqramdan sonra dekabrın 2-dən 3-ə keçən gecə müvəqqəti olaraq azadlığa buraxılmışdılar. Dekabrın 8-də isə Zahidov qardaşları yenidən cəza çəkdikləri müəssisələrə qaytarılıblar.
Komitə rəhbəri onu da deyib ki, atasının yas mərasimində iştirak edib, dekabr ayının 8-də yenidən cəzaçəkmə müəssisəsinə qaytarılan Q. Zahid ona atasının yas mərasimində iştirak etməyə imkan yaradan bütün şəxslərə minnətdarlığını bildirib.
Qeyd edək ki, Q.Zahidovun atası Səlim Zahidov dekabrın 1-i axşam saatlarında vəfat edib. Q. Zahidov , habelə həbsdə olan qardaşı “Azadlıq” qəzetinin əməkdaşı Sakit Zahidov (Mirzə Sakit) anaları Xədicə Zahidovanın Ədliyyə Nazirliyinə vurduğu teleqramdan sonra dekabrın 2-dən 3-ə keçən gecə müvəqqəti olaraq azadlığa buraxılmışdılar. Dekabrın 8-də isə Zahidov qardaşları yenidən cəza çəkdikləri müəssisələrə qaytarılıblar.