Bu gün (04 iyun) İşgəncələrə Qarşı Azərbaycan Komitəsinin sədri Elçin Behbudov 2 saylı Cəzaçəkmə Müəssisəsində (CM) "Bizim yol" qəzetinin əməkdaşı Müşfiq Hüseynov və 17 saylı CM-də “Azadlıq” qəzetinin baş redaktoru Qənimət Zahidovla görüşüb.

Bu haqda RATİ-yə məlumat verən komitə sədri hər iki jurnalistin saxlanma şəraitindən və onlara olan münasibətdən heç bir şikayətlərinin olmadığını deyib.
Behbudov Qənimət Zahidovun (Zahid) həbsxanada ingilis dili öyrəndiyini bildirdi.
Qeyd edək ki, Azərbaycanda hal-hazırda 4 jurnalist həbsdədir: “Azadlıq” qəzetinin əməkdaşı, satirik jurnalist Sakit Zahidov (Mirzə Sakit), “Realniy Azerbaydjan” və “Gündəlik Azərbaycan” qəzetlərinin baş redaktoru Eynulla Fətullayev, “Bizim yol” qəzetinin əməkdaşı Müşfiq Hüseynov və “Azadlıq” qəzetinin baş redaktoru Qənimət Zahidov (Zahid).