Bu gün (19 sentyabr) Ali Məhkəmədə hakim Aslan Kalbalıyevin sədrliyi ilə “Seçki Monitorinq Mərkəzi” İctimai Birliyi qeydiyyatın ləğv edilməsi iddiası ilə bağlı Xətai Rayon Məhkəməsinin çıxardığı hökmdən verilmiş kassasiya şikayəti üzrə məhkəmə prosesi keçirilib.
Bu barədə RATİ-yə “Seçki Monitorinq Mərkəzi” İctimai Birliyinin hüquqşünası Ülviyyə Təhməzli məlumat verib. Onun sözlərinə görə, hakim Kalbalıyev “Seçki Monitorinq Mərkəzi” İctimai Birliyinin işinə yenidən baxılması üçün şikayəti Bakı Apellasiya Məhkəməsinə göndərmək haqqında qərar verib.
Qeyd edək ki, Ədliyyə Nazirliyi Seçki Monitorinq Mərkəzinin (SMM) qeydiyyatının ləğv olunması üçün məhkəməyə müraciət etmişdi. Xətai rayon Məhkəməsi bu iddianı təmin etmişdi.
Qeyd edək ki, Ədliyyə Nazirliyi Seçki Monitorinq Mərkəzinin (SMM) qeydiyyatının ləğv olunması üçün məhkəməyə müraciət etmişdi. Xətai rayon Məhkəməsi bu iddianı təmin etmişdi.