Avropa Birliyi Azərbaycanda Mətbuat Azadlığı ilə bəyanat yayıb. Bəyanatda bildirilir: “Avropa Birliyi Azərbaycanda özlərinin ümumi ifadə azadlığından istifadə edən jurnalistlərin və ayrı-ayrı fərdlərin şübhəli əsaslarla təqib edildiyi müxtəlif halların mövcudluğundan narahatdır.
Avropa Birliyi 19 Noyabr, 2009-cu ildə, Daimi Şurada Azərbaycanda mətbuat azadlığı ilə bağlı insan haqlarının vəziyyəti ilə əlaqədar bəyanatını xatırladır və cənab Fətullayevin işi də daxil olmaqla Azərbaycanda mətbuat azadlığı ilə bağlı 30 Dekabr, 2009-cu ildə ATƏT-in Mətbuat Azadlığı üzrə nümayəndəsi tərəfindən nəşr olunmuş press-relizə istinad edir.
Geniş mənada, Avropa Birliyi Azərbaycanı ATƏT qarşısında ifadə azadlığı və insan haqları ilə əlaqədar öhdəliklərinə tamamilə hörmətlə yanaşmağa, ATƏT-in Mətbuat Azadlığı üzrə nümayəndəsi ilə əməkdaşlıq etməyə, jurnalistlərə və mətbuat fəallarına qarşı mövcud məhkəmə işlərini beynəlxalq hüquqi standartlarla tam ayaqlaşan ədalətli, şəffaf şəkildə və zamanında həll etməyə çağırır.
Sonda, Avropa Birliyi Azərbaycanda ATƏT və Avropa Birliyi, eləcə də Avropa Şurası tərəfindən dəstəklənən dəyər və prinsiplərin gələcək siyasi və hüquqi islahatlarla birgə dəstəklədiyini bir daha təkrar edir və Avropa Birliyi Azərbaycan hökumətinə öz cəhdlərində yardım etməyə hazır olduğunu bildirir.
Avropa Birliyinin İspaniya Sədrliyi
ATƏT Daimi Şurası N. 794
Vyana, 10 Fevral 2010”