Dünən Finlandiyanın Cənubi Qafqazda media məsələləri üzrə eksperti Sala Nazarenko APA-ya eksklüziv müsahibə verib.
Müsahibəsində Nazarenko Cənubi Qafqaz mediasının iqtisadi asılılıq və reklam bazarının olmaması kimi ciddi problemlərinin qaldığını qeyd edib. O, Azərbaycan mediası barədə məsələyə də toxunaraq bildirib ki, Azərbaycanda medianın fəaliyyətinə təsir göstərən əsas amillər korrupsiyanın mövcudluğu, bəzi jurnalistlərin həbsdə olması, mətbuatın anti-erməni əhval-ruhiyyəsində köklənməsi və bəzi müxalifət jurnalistlərinin hakimiyyət mediasına keçididir. Ekspertin sözlərinə görə, bu sahədə bacarıqlı mütəxəssislərin olması, jurnalistlərin həmkarlar təşkilatının mövcudluğu Azərbaycan mediasının müsbət tərəfləri sırasındadır: “MDB məkanında ilk juurnalist həmkarlar təşkilatı məhz Azərbaycanda yaradılıb”.
Ekspert Azərbaycan mediasının hakimiyyətyönlü mətbuat orqanlarında maaşların nisbətən yüksək olmasını müsbət qiymətləndirib. Onun sözlərinə görə, jurnalistlərin az maaş aldığı cəmiyyətlərlə müqayisədə bu cür cəmiyyətdə müstəqil mətbuat yaratmaq daha asandır.
Ekspert Azərbaycan mediasının hakimiyyətyönlü mətbuat orqanlarında maaşların nisbətən yüksək olmasını müsbət qiymətləndirib. Onun sözlərinə görə, jurnalistlərin az maaş aldığı cəmiyyətlərlə müqayisədə bu cür cəmiyyətdə müstəqil mətbuat yaratmaq daha asandır.