“Gündəlik Azərbaycan” və ”Realnıy Azərbaydjan” qəzetlərinin hazırda həbsdə olan baş redaktoru Eynulla Fətullayevin hüquqlarının pozulması ilə bağlı göndərdiyi şikayət ərizəsi Avropa İnsan Hüquqları Məhkəməsinə daxil olub.
“Bakı Xəbər” qəzetinin “Olaylar” İnformasiya Agentliyinə istinadən verdiyi məlumata görə, bu sözləri Azərbaycanın Avropa İnsan Hüquqları Məhkəmsindəki hakimi Xanlar Hacıyev jurnalistlərlə söhbətində bildirib. Amma Hacıyev işə nə vaxt baxılacağı ilə bağlı yaranmış sualı cavablandıra bilməyib. O, bildirib ki, bu işə məhkəmənin qrafikinə uyğun baxılacaq.
Baş redaktorun vəkili İsaxan Aşurov RATİ-nin əməkdaşı ilə telefon söhbətində Hacıyevin açıqlamasının doğru olduğunu bildirdi: ”Eynulla Fətullayevin işi ilə əlaqədar ilkin rəyini və etirazını bildirmək üçün Azərbaycan hökumətə 2009-cu il yanvar ayının 16-a qədər vaxt verilib”.
Baş redaktorun vəkili İsaxan Aşurov RATİ-nin əməkdaşı ilə telefon söhbətində Hacıyevin açıqlamasının doğru olduğunu bildirdi: ”Eynulla Fətullayevin işi ilə əlaqədar ilkin rəyini və etirazını bildirmək üçün Azərbaycan hökumətə 2009-cu il yanvar ayının 16-a qədər vaxt verilib”.