Bu gün Bakı Apellyasiya Məhkəməsinin hakimi Abdin Abdinbəyovun sədrliyi ilə “Gündəlik Azərbaycan” və “Realniy Azerbaydjan” qəzetlərinin baş redaktoru Eynulla Fətullayevin həbsindən verilən şikayət üzrə məhkəmə prosesi keçirilib.
Daha sonra çıxış edən E. Fətullayevin özü qeyd edib ki, Azərbaycanın dövlət məmurları həbsdə olan jurnalistləri təhqir edirlər: ”konkret olaraq Əli Həsənov çıxışında bildirib ki, həbs olunan jurnalistlərin heç biri peşə fəaliyyətinə görə həbs olunmayıb. Bu bizə qarşı təhqirdir. Mənim özümlə yanaşı əqli mülkiyyətim həbs olunub. Müsadirə edilmiş kompüterlərdən birində bizim arxivimiz yerləşib, burada köhnə məlumatlar, üç il ərzində toplanmış şəkillər var. Hesab edirəm ki, bizim bütün kompüterlər qaytarılmalıdır, lakin bizim millət səxavətli olduğundan kompüterlərin hamısını onlara bağışlayıram, heç olmasa həmin kompüterin prosessorunu qaytarsınlar”.
Bundan sonra İ.Aşurov ümumi çıxış üçün hakimdən vaxt istədi. Hakim növbəti məhkəmə prosesini 08 yanvar 2008-ci il saat 14:00-a təyin etdi.