Dünən (04 may) Norveç İnsan Haqları Evində norveçli jurnalist və rejissor Erlinq Borgen jurnalistlər üçün “master klass” keçib. Borgen indiyə qədər lentə aldığı sənədli filmlərdən parçalar nümayiş etdirərək, həmin filmlərin tarixçəsi, filmin mahiyyəti barədə məlumatlar verib. O jurnalist fəaliyyəti barədə geniş danışaraq, fəaliyyətində rəhbər tutduğu prinsiplər, iş qaydaları, araşdırma jurnalistikasının mahiyyəti və s. məsələlər barədə danışıb.
Nümayiş etdirilən filmlər arasında bilavasitə “Monitor” jurnalının qətlə yetirilmiş baş redaktoru Elmar Hüseynova və Azərbaycanda söz azadlığına həsr edilmiş “Statoylun kölgəsində” filmi də olub.
Qeyd edək ki, Borgen hazırda “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevə həsr edilmiş film üzərində çalışır.