XARİCİ RADİOSTANSİYALARLA BAĞLI SON QƏRAR DEKABRIN 27-Ə QƏDƏR VERİLƏCƏK

dekabr 24th, 2008
Milli Televiziya və Radio Şurası (MTRŞ) milli tezliklərdə yayımlanan xarici radiolarla  bağlı son qərarı bu günlərdə verəcək.

Bu barədə RATİ-yə MTRŞ sədrin köməkçisi Toğrul Məmmədov məlumat verdi: ”İclasın vaxtı barədə Milli Televiziya və Radio Şurasının sədri Nüşirəvan Məhərrəmli artıq bəyanat verib. İclas dekabr ayının ya 25-də, ya 26-ı, ya da 27-də olacaq”.
Xatırladaq ki, Azərbaycanda üç xarici radiostansiya – “Amerikanın səsi”, “Azadlıq”, “BBC” yayımlanır. Oktyabrın 31-də Milli Teleradio Şurasının sədri Nüşirəvan Məhərrəmli Azərbaycanda fəaliyyət göstərən xarici radiostansiyalara verilmiş tezliklərin ilin sonundan geri alınacağını bəyan edib.