Bu gün (27 oktyabr) Səbail rayon Məhkəməsində hakim Fuad Hüseynovun sədrliyi ilə Azərbaycan Televiziya və Radio Verilişləri Qapalı Səhmdar Cəmiyyətinin (AzTV) sabiq redaktoru Asəf Quliyevin adı çəkilən televiziyaya qarşı qaldırdığı iddia üzrə məhkəmə prosesi iddianın təmin olunmamağı ilə yekunlaşdı.
Prosesdən sonra Reportyorların Azadlıq və Təhlükəsizlik İnstitutuna (RATİ) məlumat verən iddiaçı Asəf Quliyev və onun vəkili Fariz Namazlı hakimin bu qərarından Apelyyasiya Məhkəməsinə apellyasiya şikayəti verəcəklərini bildiriblər.
Xatırladaq ki, Azərbaycan Televiziya və Radio Verilişləri Qapalı Səhmdar Cəmiyyəti bu il iyulun 31-də müqavilə müddəti başa çatandan sonra Asəf Quliyevlə yeni müqavilə bağlamayıb. A. Quliyev şirkət rəhbərliyinin işdən çıxarılmağı ilə bağlı əmrinin ləğvini, müddətsiz müqavilə bağlanılması şərti ilə AzTV-də redaktor vəzifəsinə təyin edilməsini, işi buraxdığı müddətin əməkhaqqının və kompensasiya ödənməsini tələb edir.
Xatırladaq ki, Azərbaycan Televiziya və Radio Verilişləri Qapalı Səhmdar Cəmiyyəti bu il iyulun 31-də müqavilə müddəti başa çatandan sonra Asəf Quliyevlə yeni müqavilə bağlamayıb. A. Quliyev şirkət rəhbərliyinin işdən çıxarılmağı ilə bağlı əmrinin ləğvini, müddətsiz müqavilə bağlanılması şərti ilə AzTV-də redaktor vəzifəsinə təyin edilməsini, işi buraxdığı müddətin əməkhaqqının və kompensasiya ödənməsini tələb edir.