Bu gün (10 iyul) Nizami rayon Məhkəməsində hakim Vidadi Məmmədovun sədrliyi ilə Daxili İşlər Nazirliyinin (DİN) Daxili Qoşunların kadrlar idarəsini rəisi Nəsir Hüseynovun “Nota” qəzetinin baş redaktor əvəzi Sərdar Əlibəyliyə qarşı CM-nin 147.2 maddəsi (ağır və ya xüsusilə ağır cinayətdə ittiham etməklə böhtan atma) ilə iddiası üzrə keçirilməli olan məhkəmə prosesi baş tutmayıb.
Belə ki, Daxili Qoşunlar komandanı general-leytenant Zakir Həsənov, Daxili Qoşunlar komandanının müavini, general-mayor Fəxrəddin Səmədov, Daxili Qoşunların kadrlar idarəsini rəisi polkovnik Nəsir Hüseynov və Daxili Qoşunların maliyyə Xidmətinin rəisi Namiq Poladovun Sərdar Əlibəyli barədə qaldırdıqları eyni iddialar birləşdirilərək baxılması üçün hakim Vidadi Məmmədovun icraatına verilib. Proses 13 iyul saat 16.00-a təyin olunub.
Xatırladaq ki, iddiaçılar “Nota” qəzetinin son aylarda nəşr olunmuş saylarında Daxili Qoşunlarla bağlı yazılarda şərəf və ləyaqətlərini ləkələyən və onları nüfuzdan salan məqalələr dərc edildiyini iddia edərək, Sərdar Əlibəyli barədə xüsusi ittiham qaydasında məhkəməyə müraciət ediblər.
Xatırladaq ki, iddiaçılar “Nota” qəzetinin son aylarda nəşr olunmuş saylarında Daxili Qoşunlarla bağlı yazılarda şərəf və ləyaqətlərini ləkələyən və onları nüfuzdan salan məqalələr dərc edildiyini iddia edərək, Sərdar Əlibəyli barədə xüsusi ittiham qaydasında məhkəməyə müraciət ediblər.