“Gələn həftə “Azad Söz İnqilabçıları” Klubu (ASİ) mart ayının 18-də keçiriləcək referendumla bağlı yeni kampaniyaya başlayacaq”.
Bu sözləri Reportyorların Azadlıq və Təhlükəsizlik İnstitutuna (RATİ) ASİ-nin həmtəsisçisi Eldəniz Elgün verib. Onun sözlərinə görə hüquqşünasların, QHT-lərin, və jurnalistlərin də qatılacağı kampaniyada əsasən Konstitusiyanın dəyişiklik edilməsi nəzərdə tutulan 32-ci (şəxsi toxunulmazlıq hüququ) və 50-ci (Məlumat azadlığı) maddələri müzakirə olunacaq. E. Elgün daha sonra onu da vurğulayıb ki, bu kompaniya referendum gününə qədər davam edəcək və kampaniya çərçivəsində Azərbaycanda demokratik dəyərlərin pozulması ilə bağlı yazılar silsiləsinə də başlanacaq.