Azadlıq və Demokratiya Sahəsində fəaliyyət göstərən Freedom House təşkilatı mayın 4-də Ümumdünya Mətbuat Azadlığı Günü ilə bağlı tədbir keçirib.
Tədbirdə ABŞ Konqresinin üzvləri və Yaxın Şərq, keçmiş sovet ölkələri, Cənubi-Şərqi Asiya və dünyanın digər hissələrindən olan, ifadə azadlığı sahəsində fəaliyyət göstərən nümayəndələr iştirak etmiş və İfadə Azadlığı sahəsində mövcud olan ən mühüm problemlər barədə müzakirələr aparmışlar. ABŞ təmsilçiləri Adam Şiff və Mayk Pens ABŞ konqresinin dünyada İfadə Azadlığını dəstəkləmək öhdəliyi olduğunu vurğulamışlar. Tədbirdə Azərbaycandan Reportyorların Azadlıq və Təhlükəsizlik İnstitutunun sədri Emin Hüseynov iştirak edib. Hüseynov Vaşinqtonda Freedom House təşkilatının icraçı direktoru David Kramer, təşkilatın media proqramının rəhbəri və nümayəndələri ilə görüşlər keçirmişdir.