QƏNİMƏT ZAHİD HƏMKARLARINDAN NARAHATDIR

yanvar 27th, 2009
Ayəndə Mürsəliyeva dünən (26 yanvar) 17 saylı cəzaçəkmə müəssisəsində cəza çəkən  həyat yoldaşı, “Azadlıq” qəzetinin baş redaktoru Qənimət Zahidlə (Zahidov)  görüşüb.

Bu barədə RATİ-yə məlumat verən A.Mürsəliyevanın sözlərinə görə, baş redaktorun vəziyyəti normaldır, saxlanma şəraitindən və özünə olan münasibətdən heç bir şikayəti yoxdur.
”Qənimət yalnız azadlıqda olan jurnalist dostlarından narahatdır. Onun ürəyinə damıb ki, hər an həmkarlarından birinin həbs edilməsi və ya başqa  bir fəlakətlə üzləşəcəyi xəbərini eşidə bilər. Q.Zahid öz vəziyyətinin azadlıqda olan həmkarlarından daha təhlükəsiz olduğunu hesab edir” – deyə, Mürsəliyeva bildirib.
Xatırladaq ki, Qənimət Zahidov Cinayət Məcəlləsinin 127.2.3  maddəsi (xuliqanlıq niyyəti ilə qəsdən sağlamlığa az ağır zərər vurma) ittihamı ilə şərlənərək 3 il 6 ay, CM 221-ci maddəsi ilə isə xuliqanlıqda şərlənərək  6 ay olmaqla ümumilikdə 4 il müddətinə azadlıqdan məhrum edilib.