Dünən (16 noyabr) Ayəndə Mürsəliyeva 17 saylı cəzaçəkmə müəssisəsində cəza çəkən həyat yoldaşı, “Azadlıq” qəzetinin baş redaktoru Qənimət Zahidlə (Zahidov) görüşüb.
Bu barədə Reportyorların Azadlıq və Təhlükəsizlik İnstitutuna (RATİ) Ayəndə Mürsəliyevanın özü məlumat verib. O, baş redaktorun saxlanma şəraitinin normal olduğunu bildirsə də, səhhətində problemlərin yarandığını, revmatizm ağrılarından əziyyət çəkdiyini bildirib.
A.Mürsəliyevanın bildirdiyinə görə, baş redaktor gənc bloggerlər Emin Milli (Abdullayev) və Adnan Hacızadənin həbsinə münasibət bildirib:
“Qənimət bildirir ki, məhkəmənin belə qərar verəcəyi əvvəlcədən məlum idi. O gənclərin 17 saylı cəzaçəkmə müəssisəsinə gəlmələrini istəyir.”
Xatırladaq ki, Qənimət Zahid (Zahidov) CM-nin 127.2.3 (xuliqanlıq niyyəti ilə qəsdən sağlamlığa az zərər vurma) ittiham olunaraq 3 il 6 ay, CM-in 221-ci (xuliqanlıq) maddəsi ilə ittiham edilməklə isə 6 ay olmaqla, ümumilikdə 4 il müddətinə azadlıqdan məhrum edilib.