“AMNESTY İNTERNATİONAL” BLOQÇULARA DƏSTƏK AKSİYASINA BAŞLAYIB

noyabr 17th, 2009
“Amnesty İnternational” təşkilatı gənc bloqçular Emin Milli və Adnan Hacızadənin həbs olunması ilə əlaqədar təcili tədbirlər görülməsi üçün müraciət yayıb.

Müraciətdə gənclərin məhkəməsinin ədalətsiz keçdiyi, onlara qarşı ittihamların uydurulduğu bildirilib. Bloqçuları Vicdan Məhbusu kimi tanıyan “Amnesty İnternational” hər kəsə müraciət edərək ingilis, Azərbaycan dillərində və öz ana dilində gənclərin dərhal azadlığa buraxılmasını tələb edən məktub yazmağa və müraciətləri Azərbaycan prezidenti İlham ƏIiyevə, ədliyyə naziri Fikrət Məmmədova və ombudsman Elmira Süleymanovaya göndərməyə çağırıb.
 
Dövlət başçısının faks nömrələri: 492 35 43 və ya 492 06 25. E-mail: president@president.az və ya office@apparat.gov.az
 
Ədliyyə nazirinin faks nömrəsi: 430 09 81, e-mail: contact@justice.gov.az; international@justice.gov.az
 
Ombudsmanın faks nömrəsi: 498 85 74, e-mail: ombudsman@ombudsman.gov.az