Bu gün Yasamal Rayon Məhkəməsində Qənimət Zahidova hökm oxunub. Baş redaktor 4 il, digər təqsirləndirilən şəxs Vüsal Həsənov 1 il 6 ay müddətinə azadlıqdan məhrum edilib.
Bu barədə RATİ-yə məlumat verən vəkil Elçin Sadıqov qeyd edib ki, “nə mən, nə də digər vəkillər hökmün oxunacağı barədə xəbərdar edilməmişik.Məhkəmə gizli keçirildiyindən orada kimlərin iştirak etdiyini bilmirəm. Məhkəməyə gedib, qərarı almışam. Zahidov Cinayət Məcəlləsinin 127.2.3 –cü maddəsi (xuliqanlıq niyyəti ilə qəsdən sağlamlığa az ağır zərər vurma) ilə 3 il 6 ay, 221-ci maddə (xuliqanlıq) ilə isə 6 ay olmaqla ümumilikdə 4 il azadlıqdan məhrum edilib”.
Qənimət Zahidovun həyat yoldaşı Ayəndə Mürsəliyeva da RATİ-nin əməkdaşına məhkəmədən xəbərsiz olduğunu bildirdi: “mənə məhkəmə ilə əlaqə saxladım və bildirdilər ki, saat 11.00-da ona hökm oxunub”.
RATİ “Azadlıq” qəzetinin baş direktoru Azər Əhmədovla da əlaqə saxlayıb və onun Zahidovun həbsə atılmasına münasibətini öyrənib. Əhmədov vurğuladı ki, “hakimiyyətin bu təzyiqlərinin mənası yoxdur. İllərlə hakimiyyət “Azadlıq” qəzetini müxtəlif vasitələrlə susdurmaq istəyib. Qəzet əməkdaşlarının döyülməsi, müxtəlif mülki cərimələr və digər təzyiqlərlə üzləşib. Qənimət Zahid 4 il yox 14 il azadlıqdan məhrum edilsəydi qəzetin nə nəşri, nə də kursu dəyişməyəcək”.
Qənimət Zahidovun həyat yoldaşı Ayəndə Mürsəliyeva da RATİ-nin əməkdaşına məhkəmədən xəbərsiz olduğunu bildirdi: “mənə məhkəmə ilə əlaqə saxladım və bildirdilər ki, saat 11.00-da ona hökm oxunub”.
RATİ “Azadlıq” qəzetinin baş direktoru Azər Əhmədovla da əlaqə saxlayıb və onun Zahidovun həbsə atılmasına münasibətini öyrənib. Əhmədov vurğuladı ki, “hakimiyyətin bu təzyiqlərinin mənası yoxdur. İllərlə hakimiyyət “Azadlıq” qəzetini müxtəlif vasitələrlə susdurmaq istəyib. Qəzet əməkdaşlarının döyülməsi, müxtəlif mülki cərimələr və digər təzyiqlərlə üzləşib. Qənimət Zahid 4 il yox 14 il azadlıqdan məhrum edilsəydi qəzetin nə nəşri, nə də kursu dəyişməyəcək”.