“Azadlıq” qəzetinin azadlıqdan məhrum edilmiş baş redaktoru Qənimət Zahid (Zahidov) yeni bir təklif irəli sürüb.
Xatırladaq ki, Azərbaycan 1991-ci il dekabr ayının 25-də kiril qrafikalı Azərbaycan əlifbasından imtina edərək latın qrafikalı əlifbaya keçib. 2001-ci il avqust ayının 1-dən isə yeni əlifbanın tam tətbiqinə başlanıb.
Yeri gəlmişkən Q. Zahid bir neçə gün bundan öncə narkomaniyadan əziyyət çəkən məhbuslar üçün ayrıca müəssisənin tikilməsini və həmin məhbusların müalicəyə cəlb edilməsini də təklif etmişdi.
A.Mürsəliyeva Q.Zahidin səhhətində ciddi bir problemin olmadığını, əsasən revmatizmdən və göz ağrılarından əziyyət çəkdiyini də bildirib:
“O, hər gecə ayaqlarına revmatizmə qarşı maz çəkməsə yata bilmir. Buna səbəb onun saxlandığı cəzaçəkmə müəssisəsinin nəmişlik olmasıdır”.
Zahidin təklifinə münasibət öyrənmək üçün RATİ Penitensiar Xidmətlə əlaqə saxlayıb. Xidmətin ictimaiyyətlə əlaqələr şöbəsindən cəzaçəkmə müəssisələrində təhsillə bağlı bütün məsələlərin qanunvericiliklə həll olunduğunu bildirdilər.
“Biz Qənimət Zahidin verdiyi təkliflərlə oturub-durmuruq, dustaqların təhsil alması üçün isə Azərbaycanda bütün cəzaçəkmə müəssisələrində məktəblər var. Bu məktəblərdə oxumuş, attestat almış və azadlığa çıxdıqdan sonra ali təhsil ocaqlarına qəbul olmuş dustaqlarımız da var”, – deyə şöbənin əməkdaşı vurğuladı.