Dünən (07 iyul) ailəsi 17 saylı cəzaçəkmə müəssisəsində cəza çəkən “Azadlıq” qəzetinin baş redaktoru Qənimət Zahidovla (Zahid) görüşüb.
Bu barədə RATİ-yə jurnalistin həyat yoldaşı Ayəndə Mürsəliyeva məlumat verib. Onun sözlərinə görə, Q. Zahidovun səhətində problemlər yaranıb: “Qənimətin şikayəti göz ağrılarından və revmatizmdəndir”.
Habelə həyat yoldaşı baş redaktorun 1 saylı Bayıl İstintaq Təcridxanasında yazdığı kitabın əlyazmalarının tapıldığını bildirib. Onun sözlərinə görə, Ədliyyə Nazirliyi Penitinsiar Xidmətinə verilən əlyazmalar ötən həftə Bayıl İstintaq Təcridxanasının rəisi Misir Əliyevə qaytarılıb. Amma rəisin əlyazmaları geri qaytarmaq fikri yoxdur. ”Mən Misir müəllimlə görüşdüm. O, mənə bildirdi ki, əlyazmaları Qənimətə qaytarmayacaq. Onun sözlərinə görə, həmin əlyazmalarda dövlət əleyhinə yazılar var və buna görə də, akt tərtib edib həmin əlyazmaları ləğv edəcəklər”, – deyə qeyd edən Mürsəliyeva problemlə bağlı məhkəməyə müraciət etməyə hazırlaşdıqlarını bildirdi.
Habelə həyat yoldaşı baş redaktorun 1 saylı Bayıl İstintaq Təcridxanasında yazdığı kitabın əlyazmalarının tapıldığını bildirib. Onun sözlərinə görə, Ədliyyə Nazirliyi Penitinsiar Xidmətinə verilən əlyazmalar ötən həftə Bayıl İstintaq Təcridxanasının rəisi Misir Əliyevə qaytarılıb. Amma rəisin əlyazmaları geri qaytarmaq fikri yoxdur. ”Mən Misir müəllimlə görüşdüm. O, mənə bildirdi ki, əlyazmaları Qənimətə qaytarmayacaq. Onun sözlərinə görə, həmin əlyazmalarda dövlət əleyhinə yazılar var və buna görə də, akt tərtib edib həmin əlyazmaları ləğv edəcəklər”, – deyə qeyd edən Mürsəliyeva problemlə bağlı məhkəməyə müraciət etməyə hazırlaşdıqlarını bildirdi.