Dünən (06 iyul) tanınmış jurnalist Məmməd Nazimoğlu uzun sürən xəstəliyindən sonra 49 yaşında vəfat edib.
Mərhum jurnalist 1959-cu ildə Ağdaş rayonunun Nemətabad kəndində anadan olmuşdu. O, 1983-cü ildə Bakı Dövlət Universitetinin jurnalistika fakültəsini bitirmişdi. Azərbaycanın ilk müstəqil nəşrlərindən olan “Aydınlıq” qəzetinin yaradıcılarından olan M. Nazimoğlu “Xalq qəzeti”, “525-ci qəzet”, “Ulus”, “Avropa”, “Yeni Müsavat”, “Azadlıq”, “Şans” və digər KİV-lərdə işləyib. Habelə mərhum jurnalist ANS TV-də yayımlanan “Qulp” verilişinin müəlliflərindən biri olub. Mərhum jurnalist son dövrdə Söz Azadlığını Müdafiə Fondunun icraçı direktoru vəzifəsini icra edirdi.
Mərhum M. Nazimoğlu anadan olduğu kənddə dəfn olunub.
Mərhum M. Nazimoğlu anadan olduğu kənddə dəfn olunub.
Allah rəhmət eləsin!