Bu gün (07 may) Bakı şəhər Apelyasiya Məhkəməsində hakimi Abid Abdinbəyovun sədrliyi ilə "Azadlıq" qəzetinin baş redaktoru Qənimət Zahidovun həbsindən verilən şikayət üzrə məhkəmə iclası keçirildi.
Zahidovdan şikayət vermiş Vüsal Həsənov isə hazırlıq iclasında iştirak etməsə də, bu günkü prosesdə iştirakı etdi.
Proses Media Hüquqları İnstitutundan olan vəkili Elçin Sadıqovun və vəkil Əlaif Həsənov çıxışları ilə başlandı. Vəkillər başlanmış cinayət işini qondarma hesab edərək işin məhkəmə istintaqı tərəfindən ədalətlə aparılmasını tələb etdilər. Zahidovun digər vəkili Osman Kazımov isə Apelyasiya Məhkəməsinin ədaləti qərar çıxaracağına ümid etmədiyini bildirdi. Bunun səbəbini isə Prezident Aparatının rəhbəri Ramiz Mehdiyevin “həbsdə olan jurnalistlər buraxılmayacaq” sitatını misal gətirdi: “Hətta Vüsal Həsənov durub Qənimətin günahkar olmadığını desə belə, yenə ona bəraət verilməyəcək”, – deyə Kazımova vurğuladı.
Daha sonra V. Həsənov çıxış etdi. O öhdəsində az yaşlı uşağın olduğunu söyləyərək buna görə cəzasının yüngülləşdirməsini hakimdən xahiş etdi.
Bundan sonra dövlət ittihamçısı çıxışı üçün hakimdən vaxt istədi. Hakim növbəti məhkəmə prosesini may ayının 12-i saat 14.00 – a qədər təxirə saldı.
Qeyd edək ki, məhkəmə prosesində ABŞ, Almaniya səfirliklərinin və ATƏT-in Bakı ofisinin nümayəndələri də iştirak edirdilər.