Bu gün (07 may) Apelyasiya Məhkəməsində hakim Rəşadət Ağayevin sədrliyi ilə Yevlax rayon İcra Hakimiyyəti başçısı Elmar Vəliyevin və “Yevlax ictimaiyyəti” adından "Xural" qəzetinə qarşı qaldırılan iddia əsasında Nərimanov rayon Məhkəməsinin çıxardığı qərardan cavabdehin verdiyi apelyasiya şikayətinə baxıldı.
Hakim iddianı qismən təmin etdi. Belə ki, Apelyasiya Məhkəməsi Nərimanov rayon Məhkəməsinin qəzetin 10 000 AZN məbləğində cərimə edilməsi ilə bağlı çıxardığı qərarı dəyişərək məbləği 3 000 min AZN-ə qədər azaltdı.
Xatırladaq ki, iddiaçılar qəzetin 21-27 oktyabr 2007-ci il tarixli sayında "Dövran Əliyevlərin deyil, Vəliyevlərindir", 4-10 noyabr 2007-ci il tarixli sayında "Elmar Vəliyev Prezidenti aldadıb!", 11-17 noyabr 2007-ci il tarixli sayında "Elmar Vəliyev adına Yevlax MMC" adlı məqalələrini yalan, böhtan və şantaj kimi qiymətləndirərək məhkəməyə üz tutmuşdular. Onlar qəzetin 150 000 AZN məbləğində cərimələnməsini məhkəmədən tələb etmişdilər.